English Department Hosts 3rd Student Exhibition (Grammatically Correct: A Poster Presentation Event)
وەرگێڕانی: گۆڤاری زمانەوانی
زمانزانی ئەمریکی، دانیال ئێڤێرت، ڕەخنەی لە ئارگیومێنتی نوام چۆمسکی گرت سەبارەت بە “بنەما زگماکییەکانی زمان، جەختی لەوەش کردەوە کە (چات جی پی تی) نیشانی داوە، کە چۆن زمانێک بەبێ هیچ بنەمایەکی ڕەق و زبر لە ڕێزمان فێر دەبێت”.
زیرەکیی دەستکرد Al ساڵانێکی زۆرە بابەتێک بووە بۆ سەرسامی و نیگەرانی. لە چاوپێکەوتنەکانی پێشوو لەگەڵ زمانزانە بەناوبانگەکان نوام چۆمسکی و ڕەی جاکێندۆف بۆچوونەکانیان سەبارەت بە پەیوەندیی نێوان زمان و عەقڵ دەربڕیوە، کە چ پەیوەندییەکی بە لێکۆڵینەوەکانی لەمەڕ زانیاریی دەستکردەوە هەیە. دانیال ئێڤێرت، زمانناسێکی دیار کە بە کارەکانی لەسەر زمان و کاریگەرییەکانی لەسەر تێگەیشتنمان لە زمان و كۆزانی ناسراوە. ئێمە خۆمان دەخەینە ناو تێڕوانینەکانییەوە سەبارەت بە پەیوەندیی نێوان زمان، کولتوور و كۆزانی و چۆن دەتوانن ئاگاداری گەشەسەندنی تەکنەلۆژیا و زیرەکیی دەستکرد بن.
لە چاوپێکەوتنەکەدا ئێڤێرت ئاڵەنگاری تیۆرییەكانی نوام چۆمسکی دەکات و دەڵێت چۆمسکی تەنیا سەرنجی لەسەر ڕێزمانە، کە تەنیا بەشێکی بچووکە لە زمان و ناسەرچاوە کۆمەڵایەتی یان کولتوورییەکان لە بەرچاو بگرن. ئێڤێرت باس لە دۆزینەوەکانی خۆی دەکات لەسەر زمانی Piraha” ” دەکات لە دارستانەکانی ئەمازۆن کە یەکێکە لە نزیکەی ٨ هەزار زمانی قسەکردن لە جیهاندا و دەڵێت، کە لە ڕووی زاراوەییەوە جیاوازی نییە لەگەڵ هیچ زمانێکی دیکە.
ئێڤێرت دەڵێت تیۆرییەکانی ئێستای فێربوونی زمان نیشانەناسی و دەرئەنجامی لە بەرچاو ناگرن و پێویستیان بە پێداچوونەوە هەیە. هەروەها لە چاوپێکەوتنەکەدا دەست دەخاتە سەر پەیوەندیی نێوان زمان و بیرکردنەوە، کە ئێڤێرت دەڵێت زمان و کولتوور لە پەیوەندییەکی هاوژیانیدا هەن، هەریەکەیان بە پێویستی دەزانێت ئەوی دیکەیان لە قاڵب دەدەن و کاریگەرییان لەسەر دروست دەبێت.
بە گوتەی ئێڤێرت، ChatGPT نیشانی داوە، کە فێربوونی زمان بەبێ هیچ ڕێزمانێکی زگماکی یان یاسایەکی زمان مومکینە. ئەمەش لە ڕێگەی بەکارهێنانی بڕێکی زۆر لە داتاکانەوە بەدەست دێت، کە لەلایەن مۆدێلی زمانی گەورەوە دەرکەوتووە. ئەو دەڵێت لەگەڵ بەردەوامبوونی پەرەسەندنی ChatGPT و پەرەپێدانی مۆدێلی پێشکەوتووتر، لە قۆناغی “منداڵی” لە ئێستایەوە تا هەرزەکاری و لە کۆتاییدا گەورەبوون و پێگەیشتن دەست پێ دەکات.
ئەمەی خوارەوە دەقی چاوپێکەوتنەکەی دانیال ئێڤێرتە:
پرسیار: دەست بکەین بە گفتوگۆ لەگەڵ بنچینەکانی زمان. لە کاتێکدا هەندێک لە مرۆڤناسان دەڵێن زمانی بەرهەمی پەرەسەندنی کولتووری و کارلێککردنی نێوان مرۆڤ و ژینگەکەیە، زانایان لەوانە نۆام چۆمسکی دەڵێن زمان توانایەکی بنەڕەتیی مێشکی مرۆڤە. بۆچوونی ئێوە لەسەر ئەم گفتوگۆیە چییە و چۆن پەیوەندیتان هەیە بە لێکۆڵینەوەکانتان لەسەر خەڵکی Piraha و زمانەکەیان؟ بە لەبەرچاوگرتنی ئەوەی، کە Piraha تەنیا یەک لێکۆڵینەوەی حاڵەتە، دەتوانین بڵێین کە ئەنجامەکانت دەربارەی ئەم کەیسە بەسە بۆ بەرەنگاربوونەوەی مشتومڕەکانی چۆمسکی، لە کاتێکدا زۆربەی زمانەکان لە ڕووی پێکهاتەوە هاوشێوەن؟
وەڵام: یەکەم شت کە پێویستە بیکەین لە گفتوگۆکردن لەسەر بیرۆکەکانی چۆمسکی دەربارەی “زمان” ئەوەیە، کە تێبگەین کە کاتێک ئەم وشەیە بەکار ناهینێت، ئەو ئاماژە بەوە ناکات کە زۆربەی خەڵک بیر لە زمان دەکەنەوە. مەبەستی ئەوەیە کە تەنیا ئەو کەسانەی کە هیچ سەرچاوەیەکی کۆمەڵایەتی و کولتوورییان نییە پێش ئەوەی کەس بزانێت ئەوە هەڵخەڵەتێنەرە، بۆیە ئەگەر بڵێم چۆمسکی باوەڕی بەمە یان ئەوە هەیە دەربارەی زمان، ئاسایی نییە، چونکە لە کردەی زماندا تەنیا ڕێزمان ڕەچاو ناکرێت. بۆ وەرگرتنی نموونەیەک لە تیۆری چۆمسکی، دەکرێت لەسەر ئەوە بوەستین کە چیرۆکەکان ئەگەری ئەوەیان هەیە کە گرنگترین پێکهاتەی هەرتیۆرییەک لەسەر چۆنیەتیی کارکردنی زمان بگێڕنەوە. ئەمەش لەبەر ئەوەی چۆمسکی تەنیا لەسەر ڕستە و وشە دەوەستێت و هیچی تر.
لێرەدا سێ پاساو دەخەینە ڕوو، کە بۆ بەکارهێنانی چەمکی “زگماکی” بۆ ڕێزمانی چۆمسکی بەکار هێنراون:
یەکەم: هەموو کەسێک بەبێ گوێدانە توانا دەروونییەکانی یان چوارچێوەی کۆمەڵایەتی خۆی بە زمانێک قسە دەکات.
دووەم: ئەوە ڕێزمانە کە لە سەرانسەری جیهاندا بە شێوەیەکی سەرنجڕاکێش لە یەک دەچن.
سێیەم: منداڵان پێش هەرزەكاری زمانەکەیان بەدەست دەهێنن.
چۆمسکی بە شێوەیەکی ناڕاستەوخۆ پێشبینیی ئەو ڕاستییە دەکات، کە نابێت هەموو منداڵان بە یەکجار بتوانن هەموو زمانەکان فێر بن. ئەویش لەبەر ئەوەیە کە ئەگەر زمان لەسەر چینەکان هەڵبگیرێت، ئەوا چاوەڕوانی ئەوە دەکەین، کە هەڵبژاردنی سروشتی لە کۆتاییدا زمانی زگماکی لەگەڵ ژینگە و ڕێزمانی ناوخۆییدا بگونجێنێت و بەم شێوەیە فێربوونی زمانی ناوخۆیی ئاسانتر بێت و فێربوونی زمانەکان قورستر دەکات، کە تایبەتمەندییەکی دیاریکراویان هەیە و جیاوازن لە زمانی ناوخۆیی. بەو پێیەی لە ماوەیەکی کورتدا گونجانی بایۆلۆژی لەگەڵ ژینگەی ناوخۆییدا دروست دەبێت. مرۆڤ چاوەڕوان دەکرێت زمان هاوشێوەی کردەیەکی میللی نیشان بدات. تایبەتمەندیی وەلانانی بابەتێک لە زمانی هیندۆئەورووپیدا نزیکەی ٦ هەزار ساڵە. ئەگەر زمان لەسەر چینەکان بووایە، مرۆڤ چاوەڕێی ئەوە دەکات، کە زمانەکانی لایەنگری درۆپ، بۆ نموونە، ئیسپانی و پورتوگالی، لەنێو زمانەکانی تریدا، کێشەیان هەبێت لەگەڵ فێربوونی ئینگلیزی. بەڵام ئەمە ڕاست نییە. سەبارەت بە خاڵی (یەکەم) ڕێزمانەکە هاوشێوە دەبێت بە پێی تیۆرییەکەیان. سەبارەت بە (دووەم) منداڵان زۆر بەخێرایی زۆر شت فێر دەبن، بە هۆی سروشتی گشتیی مێشکەوە کاتێک لەدایک دەبن. بە تێپەڕبوونی کات فێربوونی شتی نوێ بۆ هەموومان قورستر دەبێت، بە بەراورد بە ئاسانکاریمان پێش هەرزەكاری.
پرسیار: چۆن پێت وایە کە کێشەکانی زمانی piraha یان پشتگیری بیردۆزەکانی تری بەدەستهێنانی زمان دەکەن، وەک کارلێکی کۆمەڵایەتی یان ڕێگاکانی بەکارهێنان؟ بە چ شێوەیەک دەکرێت ئەنجامەکانت بەشدار بن لە گفتوگۆی بەردەوام، دەربارەی ڕۆڵی کولتوور و کۆمەڵایەتیکردن و پڕۆسەی زانستی تاک لە فێربوون و بەکارهێنانی زماندا؟
وەڵام: زمانی piraha یەکێکە لەو زمانانەی کە لەنێو نزیکەی 8 هەزار زمان، کە لە جیهاندا قسەی پێ دەکرێت. لە کارەکانی ئەم دواییەدا لێکۆڵینەوە بەراوردکارییەکانی جۆفری ک پولوم لەسەر دووبارەبوونەوە لە سەرانسەری زمانەکاندا، چەندین زمانی دیکەی نیشان داوە، کە وەک piraha پێدەچێت دووبارەبوونەوەی ڕستەییان نەبێت. لە کارە نوێیەکەمدا لەسەر فەلسەفە و پراکتیکی زمانەوانی (تازە پێشکەش بە چاپخانەی زانکۆی ئۆکسفۆرد کراوە)، دەڵێم کە ڕەتكردەوە پێویست نییە. هیچ بەڵگەیەکی قەناعەتپێکەر لە ڕووی تیۆرییەوە نییە، کە منداڵان زیاتر لە تێگەیشتن لە نیشانەکان (ئایکۆن، ئیندێکس، هێما و هاوشێوەکانیان) لەگەڵ دەرئەنجام (لێبڕین، ئیندێکشن و ڕفاندن) بەکار بهێنن بۆ فێربوونی زمانەکانیان. زمانی Piraha بەم شێوازەی سەیرکردنی زمان هیچ جیاوازییەکی لەگەڵ هیچ زمانێکی تردا نییە.
لە کاتێکدا زمانی piraha نوێنەرایەتیی کێشەیەکی جیددی یان تیۆریی ناتیڤیستییەکانی فێربوونی زمان دەکات، بەڵام بۆ تیۆرییەکانی دیکەی ئەو جۆرەی کە تۆ باسی دەکەیت هیچ کێشەیەکی نییە. بەڵام هەموو تیۆرییەکانی ئێستا ناتوانن هیچ ڕۆڵێک بۆ نیشانەزانی و دەرئەنجام لە ئەرکی فێربوونی زمان (فێربوونی زمانی یەکەم یان دووەم) دا لە بەرچاو بگرن. بۆیە هەموویان پێویستیان بە پێداچوونەوە هەیە.
پرسیار: هەندێک لە فەیلەسووف و زمانناسان باسیان لەوە کردووە کە زمان و بیرکردنەوە پەیوەندییەکی نزیکیان هەیە، زمان ڕۆڵێکی سەرەکی دەگێڕێت لە داڕشتنی پرۆسەی مەعریفی و نوێنەرایەتیی دەروونیدا. لێکۆڵینەوەکانتان لەسەر زمانی piraha چۆن پشتگیری لەم بۆچوونە دەکەن و ئاڵەنگاری دەکەن؟ پێت وایە چ جۆرە بەڵگەیەک پێویستە کۆ بکەینەوە بۆ ئەوەی باشتر لە پەیوەندیی نێوان زمان و بیرکردنەوە تێبگەین، چۆن ئاڵۆزەکانی نێوان هۆکارە بایۆلۆژی و کۆمەڵایەتی و کولتوورییەکان لە یەکتر جیا بکەینەوە؟
وەڵام: هەموو مرۆڤەکان بە زمان بیر دەکەنەوە. چارلس ساندەرس پێرس لە سەدەی نۆزدەدا ئاماژەی بەوە کرد و ویلیام جەیمس باسی نموونەیەکی کرد، کە زمان کاریگەری لەسەر بیرکردنەوە هەیە. زمان لە پەیوەندییەکی هاوبەشدا هەیە. پێویستە هەریەکەیان کاریگەری لەسەر ئەوی دیکە هەبێت. کوڕەکەم، کاڵێب ئێڤەرێت، لێکۆڵەرێکی باشە، زۆر شتی دەربارەی ئەوە بڵاو کردەوە، کە چۆن زمان کاریگەری لەسەر چۆنیەتیی بیرکردنەوەمان هەیە و لە کارەکەمدا لەسەر کولتوور نووسیومە، کە کاریگەری لەسەر زمان هەیە. باوەڕ ناکەم قسەکردن بە زمانێکی جیاواز بەو مانایە بێت کە تۆ ناتوانیت فێری زمانێکی تر بیت و ڕێگری لە توانای بیرکردنەوە لە شتی نوێ بکەیت. بەڵام ئەو زمانانەی ئێمە قسەیان پێدەکەین وا دیارە کاریگەرییان لەسەر ئەنجامدانی سەرەتایی ئێمە هەیە، سەبارەت بە تاقیکردنەوە لە ژینگەی جیاوازدا، وەک لە چەندین لێکۆڵینەوەدا لە ماوەی چەندین ساڵدا نیشان دراوە.
پرسیار: لەژێر ڕۆشنایی پێشکەوتنەکانی ئەم دواییەی زیرەکیی دەستکرد (Al) و فێربوونی ئامێر ئایندەی زمانەکان چۆن دەبینن؟ کاریگەریی زانیاریی دەستکرد لەسەر فرەچەشنیی زمان و کولتوورەکان چی دەبێت و ئەمە چۆن دەتوانێت کاریگەری لەسەر تێگەیشتنمان هەبێت لە فرەچەشنیی زمانەوانی وەک سەرچاوەیەکی بەنرخ بۆ مەبەستی زانستی و کۆمەڵایەتی؟ لەگەڵ هەنگاونان بەرەو ئۆتۆماتیکیکردن و دیجیتاڵکردنی زیاتر، پێشبینی دەکەیت، کە زیرەکیی دەستکرد لە کۆتاییدا زمان و کولتوورێکی گشتگیر بەسەر جیهاندا بسەپێنێت، یان ئەگەری ئەوە دەبینیت، کە فۆڕمی نوێی داهێنەری زمانەوانی و کولتووری لە وەڵامی ئەم پێشهاتانەدا سەر هەڵبدات؟
وەڵام: توێژینەوە لەو بارەیەوە هیچ پەیوەندییەکی لۆژیکیی بە فرەچەشنیی زمان و کولتوورەکانەوە نییە. بەڵام پێیان وایە کە توێژەرانی زیاتر و زیاتر دەست دەکەن بە داننان بەوەی کە کولتوور پێویستی بە ڕەچاوکردنی مۆدێلکردنی زانیاریی دەستکردەوە هەیە، هەر وەک چۆن زمان دەیکات. من بە شێوەیەکی بەرفراوان لەسەر گرنگیی کولتوور بۆ زانستە مەعریفییەکان نووسیومە، بەتایبەت لە کتێبەکەمدا Dark Matter of the Mind لەو بارەیەوە دواوم.
پرسیار: زمانناسانی وەک چۆمسکی باسیان لەوە کردووە، کە ئامێرەکانی وەک ChatGPT زۆر دوورن لە بەدەستهێنانی زیرەکیی دەستکردیی ڕاستەقینە. ڕوانگەی ئێوە چییە بۆ زیرەکیی دەستکرد، پێت وایە چۆن دەتوانرێت زیرەکیی دەستکرد بەکار بهێنرێت بۆ پێشخستنی تێگەیشتنمان لە ناسینی مرۆڤ و فێربوونی زمان؟ ئایا پێت وایە کە بوارە تایبەتەکانی بەدەستهێنانی زمان یان پرۆسێسی زمان هەن، کە بەتایبەتی بۆ ئامێرەکان قورسن بۆ دووبارەکردنەوەیان و ئەگەر وایە، ئەوا چیین؟
وەڵام: کەواتە لێرەدا ئەوەی ChatGPT کردوویەتی: بە توندترین شێوە بانگەشەی چۆمسکی ناڕاستە، کە بنەما زگماکییەکانی زمان پێویستن بۆ فێربوونی زمانێک. چات جی پی تی دەری خستووە، کە بەبێ هیچ بنەمایەکی ڕەق لە ڕێزمان یان زمان ئەم بەرنامەیە لەگەڵ داتایەکی گەورە (مۆدێلی زمانی گەورە)دا، دەتوانێت زمانێک فێر بێت. چۆمسکی لەم دواییانەدا باسی ئەو نموونانەی کردووە، کە هێشتا لەChatGPT تێنەگەیشتووین. ئەوەی سەرنجڕاکێشە لەو ژمارە زۆر کەمەی نموونەکان ئەوەیە کە لە لایەن زۆرێک لە منداڵان و فێرخوازانی زمانی دووەمیشەوە بە هەڵە تێدەگەن .ChatGPT جۆرێکە لە منداڵ کە تازە دەستی پێ کردووە. ئەم پرسە بۆ من یەکێکە لە گرنگترین توێژینەوەکان، کە لە ماوەی دەیان ساڵدا سەری هەڵداوە و لەسەر ئەم بابەتە وردە.
من پێم وایە، کە بەرنامەکانی وەک ChatGPT دەتوانن لە هەر بوارێکی زماندا شارەزابن.
پرسیار: مێژوونووسانی وەک یوڤاڵ هەراری لە ڕۆژنامەی نیویۆرک تایمزدا، هۆشدارییان داوە کە “ئەگەر شارەزا نەبین لە زیرەکیی دەستکرد، ئەوا شارەزامان دەبێت”. ڕوانگەی ئێوە بۆ ئەم هۆشدارییە چییە و پێتان وایە پێویستە چ هەنگاوێک بنێین بۆ دڵنیابوون لەوەی کە زیرەکیی دەستکرد بە شێوەیەکی بەرپرسیارانە و ئەخلاقی پەرەی پێ دەدرێت و بەکار بهێنرێت؟ چۆن دەتوانین هاوسەنگی لە نێوان سوودە ئەگەرییەکانی Al و Chat GPT لەگەڵ مەترسی و تەحەددیاتی ئەگەریدا دابنێین و زمانزانان و توێژەرانی دیکە دەتوانن چ ڕۆڵێک لەم هەوڵەدا بگێڕن؟
وەڵام: من چەندە لە ساردکەرەوەکەم دەترسم هەر هێندەش لە زانیاریی دەستکرد دەترسم. تاکە کێشەی شاراوەی زیرەکیی دەستکرد ئەوەیە، کە چۆن ئێمە وەک کۆمەڵگا بەکاری بهێنین. من متمانە بە زیرەکیی مرۆڤ دەکەم زیاتر لە زیرەکیی دەستکرد.
Related posts
