زانکۆی جیهان ـ سلێمانی سەرجەم ڕێنماییە کارپێکراوەکانی زانکۆیی بەخوێندکارانی قۆناغی یەکەمی هەموو بەشەکان ناساند.
ئەمڕۆ سێ شەممە بەبۆنەی “رۆژی ئاڵا”ی کوردستانەوە، لە بەشێک لە دامودەزگاكانی حکومەتی هەرێمی كوردستانەوە مەراسیمی هەڵکردنی ئاڵا بەڕێوەچوو. وەکو نەریتێك ١٧/١٢ی هەمووساڵێك وەك ڕۆژی هەڵکردنی ئاڵای کوردستان یادەکرێتەوە کە ئەو ڕۆژە وەکو بۆنەیەکی نیشتیمانیی لەلایەن پەرلەمانی کوردستانەوە دەستنیشانکراوە.
زانکۆی جیهان-سلێمانی بەبۆنەیەوە ساڵانە چالاكییەك ڕێكدەخات هەر بۆیە ئەمڕۆ بە ئامادەبونی بەرێز پ.د. ئومێد رفیق فتاح سەرۆکی زانکۆ و بەڕێزپ.ی.د. سادات عبداللە عزیز یاریدەدەری سەرۆکی زانکۆ بۆ کاروباری زانستیی وخوێندنی باڵا، سەرۆك بەش و مامۆستایان و خوێندکارانەوە بە جلو بەرگی کوردییەوە ئەو یادە بەرز ڕاگیرا. لە جوارچێوەی بۆنەکەدا، تیمێك لە خویندکارانی بەشی یاسای زانکۆ، چالاکی جۆراوجۆرایان ئەنجامدا وچندین شیعر ووتەی جیاواز پێشکەشکرا.
Related posts
