Student Activity: Toward a More Sustainable Campus through Innovative Design and Practical Application
ڕێکەوتی ٢٠/١٢/٢٠٢٠ سیمینارێك لەلایەن (د. فرهاد حاتم حسین) لەبەشی یاسا پێشکەش کرا لەژێر ناونیشانی ( به‌ڵێندان به گواستنه‌وه‌ی خاوه‌ندارییه‌تی ماڵی نه‌گواستراو له یاسای عێراق دا). پێشکەشکاری سیمینار تیشکی خستە سەر مافە عەینی یە نەگوێزراوەکان لەڕابردوو ولەئێستاش دا پێگەیەکی یاسایی و گرنگییەکی تایبەتی خۆیان هەیە لەنێو بوارەکانی تری پەیوەندی یاسایی ، بە بەراوورد بە مافەکانی تر ، ئەویش بەهۆی پێویستی و ئارەزووی مرۆڤ بۆ موڵکداری خانووبەرە و زۆری مامەڵەکردن پێوەیك، ڕەنگە هەر ئەوەش وای کردبێ لە یاسادانەری عێڕاقی کە گرنگی یەکی تایبەتی پێ بدات و کۆمەڵێک گرەنتی بۆ دانێت وەبیخاتە نێۆ چوارچێوەی سیستەمی گشتی یەوە، بە شێوازێک کە سەرپێچی کردنی ڕێگە پێدراو نەبێ و هاوکات بەبێ تۆمارنەکردنی گرێبەستەکە لەتۆمارگەی تۆمارکردنی خانووبەرە دەبێتە هۆی دانانی بە پووچەڵ، وەئەوەی جێگەی سەرنجە چارەسەرکردنی یاسادانەری عێڕاقی لەم بارەیەوە بەپێ ی پێویست نەبوو هەروەها تەنها بابەتی بەڵێندان بۆ گوواستنەوەی موڵکداری گرتەوە بەبێ گوێدانە بابەتەکانی تری مافە عەینی یە نەگوێزراوەکان ، بۆیە لەم توێژینەوەدا هەوڵمانداوە ووڵامی ئەو پرسیارانە بدەینەوە کە تایبەتە بەباسەکەمانەوە، وەئەوەی تێبینیمان کرد لە دەقی مادەی ١١٢٧ی یاسای شارستانی عێڕاقی ئەوەبوو کە تەنها باسی لەپابەندکردنی لایەنی بەڵێندەر و بەڵێن پێدراو کردووە بەپێدانی قەرەبوو لەکاتی پەشیمان بوونەوەی لایەنێکیان ، بەڵام بڕیاری ژمارە ١١٩٨ی ساڵی ١٩٧٧ ی ئەنجومەنی سەرکردایەتی شۆڕشی هەڵوەشاوە باسی لەقەرەبوو کردووە وتەنانەت بڕەکەشی دیاریکردووە کە بریتییە لە جیاوازی نرخی نەگوێزراوەکە لەکاتی فرۆشتنی ولەکاتی پەشیمان بوونەوە، لەگەڵ ڕێگەدان بەداوی جێبەجێکردنی عەینی ئەگەر مەرجەکان دەستەبەربوون..
Related posts
